Nannha
Dost
Mera naam Sonu hai. Baat kaafi purani hai. Lakin uski yaade
abhi bhi mere dil mai basi hai. Us samay meri umrh mahej saat saal hogi. Lakin
mai apni umrh se kuch jayada he saitaan aur natkhat baccha tha. Mai sirf
saitaan he nahe tha padne me bhi kafi hosiyaar tha. Sayad esi bajhe se meri
saitaaniyo ko bhi najar andaj kar diya jata tha.
Mai jis school me padta tha bo
mere ghar se jayda door to nahe tha.Lakin fir bhi mujhe school lane le jane ke
jemmedari papa ki thi. Rooj ke tarhe mai aaj bhi school jane ke liye papa ke
saath ghar se nikla. School pahuchne se thoda pahele he maine dekha kee kuch
kutte ke bacche jo apni maa ke sath bahi ek makaan ke pass rahte the. Kutte ke baccho ki abhi theek se ankhe
bhi nahe khuli thi. Bahi apni maa se lipte hue koo koo kar rahe the. Unhe dekh
kar mujhe bahut accha laga.
Ab to mai rooj school jaane ke liye jaldi
tayaar ho jata tha. Taaki mujhe un kutte ke baccho ko dekhne ka muka mil sake.Kuch
hi dino me bahe bacche khelne koodne bhi lage the. Mai maa se jid kar unke liye
biscuit le jaya karta tha. Ab to rojana ka mera yahe kaam tha. Mai unhe biscuit
deta aur bahe mere dost ban gaye the.
Aaj subah mai fir school
jane ke liye jaldi tayaar ho gaya tha aur apne nannhe dosto ke liye dhir saare
biscuit le liye the. Mai jab baha pahucha to mere nannhe dost mujhe baha nahe
mile. Maine aas - paas unhe bahut dhoondha. Ass-paas ke logo se pucha lekin
kesi ne kuch bhi nahe bataya. Mai udaas ho gaya. Us din school me bhi mera man
padai me nahe lag raha tha. Mai unhe kaise dhoondhu mai ghar aakar fir unki
khoj me lag gaya. Lakin bahe mujhe nahe mile mai ghar aakar bahut roya. Maine
khana bhi nahe khaya maa mujhe bahut samjhati rahi kee bahe bade ho gaye the.
Esliye chale gaye . Es baat ko aaj das din ho gaye the. Etne dino me mera man
na padai me laga na kesi aur kaam me. Mai ghar me bhi gumsum hi raita tha.
Maa-Papa samjhate-samjhate thak chuke the.
Aaj ravibaar tha school ki bhi chutti thi aur
papa ke office ki bhi. Mera man bahel jaye esliye papa-maa mujhe bahar ghumane
le ja rahe the. Maine bahut mana kiya lakin papa ki jid ke aage mujhe jhukna
pada. Mai tayaar hokar ghar se nekla hi tha ke maine dekha ke mere ghar ke
samne hi mera bahi nannha dost akela ghoom raha tha. Uske saath me na uski maa
thi aur na uske baki bhai-bahen. Bahe bahut paresaan aur bhookha tha. Mujhe
dekhte hi bahe mere pass aa gaya jaise kai raha ho mujhe kuch khane ko do. Mai
jaldi se uske liye biscuit aur doodh le aaya aur kheela diye.
Mai bahut khush tha apne
dost ko paa kar. Lakin mujhe ess baat ki chinta bhi thi ke eski maa aur baaki
bacche kaha chale gaye hai. Tabhi mujhe pata chala ke bahe sab gadi ke neeche aa gaye aur unme se koee nahe bach
saka. Sirf yahe mera nannha dost bacha tha. Mere ankho me aashu aa gaye. Maine use
god me utha liya aur apne ghar le aaya maa-papa ne bhi mujhe use apne saath
rakhne ki ejajat de di . Aaj mai bahut khush tha mera nannha dost laut aaya
tha.
i love dog
ReplyDeletei like story
ReplyDelete