Budi Amma

Aaj subah mai jaldi uth gaye kyon ki mujhe apne nai college jo jana tha. Purana college aur sare dost yaad to bahut aate hai. Lakin papa ki job hi kuch aise hai ki har do saal me unka transfer ho jata aur mujhe apna purana college chodna padta. Baise delhi saher me  mera man lagne laga hai. Mai college jane ke liye jaldi-jaldi taiyar ho gayi,  aur bus ka intjar karne lagi jaise hi bus aaye mai usme baith apne nai college pahuch gahi. Mujhe apna naya college bahut hi accha laga. College ke sare teachers bahut hi acche the aur sath hi mere bahut sare dost ban gaye . Mai bahut khush thi. Mere college ka pehla din bahut hi acha guzra.

Is tarah college aate-aate ek saptha guzar gaya tha. Agle din ravivar ki chutti thi.College sombaar ko Khulna tha.Somwar ko main college pahuchi tabhi gate par maine pahli baar ‘Savita Amma’ ko dekha tha. Savita amma hamare college me aaya ka kaam karti thi. Bahut budhi thi bo, sabhi bacche unhe savita amma keh kar hi bulaya karte.

Bahe bhi hum sabhi bacho ko bahut pyar karti thi. Mai bhi ab unse bahut ghul-mil gahi thi. Mai jab bhi unhe dekhti mujhe unme apni dadi najar aati . Meri dadi  laucknow me mere chote chacha ke parivar ke sath hi raheti hai. Mai chutiyo me unke pass chali jaya karti thi dadi mujhe bahut pyar karti hai. Dher sari nayi-nayi khaniya sunati , mera bahut kheyal rakhti hai. Kabhi-kabhi dadi hamare ghar bhi rahene aa jaya karti.  Lekin ek saptha se jyada nahe rukti . Rukne ki jid karo to kehti tere chachere bhai-bahen abhi bahut chote hai unki dekhbhal bhi to karne bala koe hona chaye aur mai kuch bhi na kahe pati dadi se mai phone par roj baate kiya karti hu, poore din maine kya-kya kiya sab baate bataya karti hu. Aur bo meri poori baate bade hi aaraam se sunti.

Aaj jab maine savita amma ko dekha to mujhe dadi ki yaad aa gayi. Ab to jab bhi college me lunch time hota thoda time nikalkar mai aur mere dost savita amma se dher sari baate kiya karti thi. Jab kabhi hum dosto me jhagda ho jata, savita amma bahut hi pyar se hume samjhati . Esi tarhe hamare din gujarne lage the. Agle din jab mai college pahuchi to pata chala ki savita amma bahut bimar hai.Chowkidar uncle ne hume bataya ki savita amma college ke pass hi ek ghar me keraye par akeli raheti hai. Unka parivar hai,bete-bahuye hai lekin  bahe sab unhe apne sath nahe rakhte the esliye savita amma college me kaam karti thi taaki bo apna kharch chala sake.Ye Sunkar mujhe bahut bura laga. Mai yeh sochne par majboor ho gayi ki log kitne hi kathood ho gaye hai bo ‘Maa’ jisne apne baccho ko kabhi koe takhlef nahe hone di.

Usi ke bacche usko apne pass tak nahi rakhna chate the. Uski dekhbhal bhi nahi karna chate the. Yeh dekh mujhe bahut bura laga. Mera man bahut udaas ho gaya.Usa din college me mera man nahi laga. College ki Chutti  ke baad   mai raste bhar yehi sochti rahe, ki aaj hum jivan me kitne bhi tarakki kar le lekin humare man me sambhedanseelta marti ja rahi hai. Hum apne bujargo ke prti kitne kathood aur nirdayi hote ja rahe ha. Unke prti apne kartabyo ko hum nibhana hi nahe chate hai. Akhir kes aor ja raha hai humara samajh, jo mata-pita apni santano ka jivan sabarne ke liye apna poora jivan hi kurbaan kar dete hai. Bahi santan badi ho kar mata-pita ke prti apne kartabya ko nibhane se hi peeche hat rahe hai. Yadi jab sab bade hi yehsa karege to sochye. Hum jaise chote baccho par eska kiya asar hoga. Chote baccho ko aap kiya shiksha de rahe hai. Kiya sikhenge bo yeh sab dekhkar . Kiya unhe hum accha samaaj de payege.

En sab becharo me khoyi hoyi, kab bus mere ghar ke samne aakar khadi ho gayi pata hi nahe chala. Driver uncle ne jab aawaz lagahi tab kahi jakar mera dheyan bhang hua. Ghar pahunch kar bhi mera man savita amma ke bicharo me hi khoya raha. Maine theek se khana bhi nahe khaya tha . Mummy ne mujse udas hone ki bajahe puch hi li. Maine bhi unhe savita amma ke bare me sab kuch bata diya, saam ko jab papa office se aa gaye tab mummy ne unhe savita amma ke bare me sab bataya.

Yeh sab sunkar papa ne ek sujhav diya, papa ke ek dost hai prabhat uncle jo NGO chalate hai, unke ngo ne es tarhe akele rahne bale vridho ke liya vridhashram  khole hoye hai. Papa ne prabhat uncle ko phone kar ghar bulaya aur sari baat bata di. Yeh sun kar unhone savita amma se milne ki ichha jahir ki agle din college se savita amma ke ghar ka pata le kar prabhat uncle aur mai , mummy-papa unke pass pahuch gaye. Humne unhe samjaya aur unhe bradh aasaram le gahe.

Savita amma bahut bimar thi vridhashram me un ki dekhbhal hone lagi. Jaldi bo poori tarhe theek ho gahi. Ab bahe aaram se baha rahe rahi hai. Mai aur mere dost aksar unse milne jaya karte hai.